ചക്കരക്കല്‍: കഴിഞ്ഞ തിങ്കളാഴ്ച വലിയന്നൂര്‍ ഒറയില്‍കുന്ന് സ്വദേശി ഹരിദാസിനെ വീട്ടില്‍ കയറി വെട്ടിയ കേസില്‍ കണ്ണൂര്‍ താളിക്കാവിലെ രാംകുമാറിനെ(29) ചക്കരക്കല്‍ എസ്.ഐ പി ബിജുവിന്റെ നേതൃത്വത്തിലുള്ള പൊലിസ് സംഘം അറസ്റ്റു ചെയ്തു. കണ്ണൂര്‍ ടൗണ്‍, സിറ്റി, എടക്കാട് സ്റ്റേഷനുകളിലായി നിരവധി കേസുകളില്‍ പ്രതിയാണ് രാംകുമാര്‍. കൂട്ടു പ്രതികളായ ശരത്, പ്രസൂണ്‍, കുട്ടന്‍ എന്നിവര്‍ക്കു വേണ്ടിയുള്ള അന്വേഷണം പുരോഗമിക്കുകയാണ്. ശരതിന്റെ സഹോദരിയുമായി ഹരിദാസിന്റെ പ്രണയവുമായി ബന്ധപ്പെട്ട തര്‍ക്കമാണ് അക്രമത്തിന് കാരണമെന്ന് പൊലിസ് പറഞ്ഞു.