കണ്ണൂര്‍: കേരള പൊലിസില്‍ ഈ മാസം ഉദ്യോഗസ്ഥര്‍ കൂട്ടത്തോടെ വിരമിക്കുന്നു. 30ന് സംസ്ഥാത്തെ  വലിയൊരുവിഭാഗം പൊലിസുകാരും വിരമിക്കുന്നതില്‍ അധികവും എസ്.ഐ, എ.എസ്.ഐമാരാണ്. ഇവരില്‍ കണ്ണൂര്‍ എ.ആര്‍ ക്യാംപിലെ അസി. കമാന്‍ഡ് വി.കെ അബ്ദുല്‍ നിസാറും ഉള്‍പ്പെടും. എസ്.ഐമാരായ കൊട്ടാരത്തില്‍ ഉമ്മര്‍കുട്ടി(ഇരിട്ടി), വി.വി ഹരിദാസന്‍(പയ്യന്നൂര്‍), ടി. പ്രഭാകരന്‍(പരിയാരം), സി.എം ചാക്കോ(ഉളിക്കല്‍), കെ.ജെ ചാക്കോ(കണ്‍ട്രോള്‍ റൂം തലശേരി),  സി. വിഘ്‌നാജ്(എസ്.ബി സി.ഐ.ഡി), കെ. രമേശന്‍(ഡി.ക്യൂ), വി. ബാലന്‍(ഡി.എച്ച്.ക്യൂ, കണ്ണൂര്‍), കെ. പരമേശ്വരന്‍ (എ.എസ്.ഐ, റെയില്‍വേ, കണ്ണൂര്‍) എല്‍. ജോയ്(ഡി. .എച്ച്.ക്യൂ, കണ്ണൂര്‍), എ. പ്രകാശന്‍(കണ്ണൂര്‍ കണ്‍ട്രോള്‍ റൂം) എന്നിവരാണ് വിരമിക്കുന്നത്. ഇന്ന് രാവിലെ 11ന് കേരള പൊലിസ് അസോ., കേരള പൊലിസ് ഓഫിസേഴ്‌സ് അസോ. സംഘടനകള്‍ വിരമിക്കുന്നവര്‍ക്ക് യാത്രയയപ്പു നല്‍കും. പൊലിസ് സൊസൈറ്റി ഹാളില്‍ എസ്.പി ജി. ശിവവിക്രം ഉദ്ഘാടനം ചെയ്യും. പി.ഒ.എ പ്രസി. ടി.കെ രത്‌നകുമാര്‍ അധ്യക്ഷനാകും.