മുള്ളേരിയ: വീട്ടുകാര്‍ ഉറങ്ങിക്കിടക്കുന്നതിനിടെ വീട് കത്തി നശിച്ചു. തീപിടിത്തം വീട്ടുകാരുടെ ശ്രദ്ധയില്‍ പെട്ടതോടെ വന്‍ ദുരന്തം ഒഴിവായി. അഡൂര്‍ ദേവരടുക്കയിലെ ഭരതന്റെ പുല്ലുമേഞ്ഞ വീടാണ് കത്തിനശിച്ചത്. ഇന്നലെ പുലര്‍ച്ച രണ്ടരയോടെ ദുര്‍ഗന്ധവും ശ്വാസ തടസവും അനുഭവപ്പെട്ടതിനെ തുടര്‍ന്ന് ഭരതന്‍ എഴുന്നേറ്റപ്പോഴാണ് വീടിന് ചുറ്റും തീ പടരുന്നത് ശ്രദ്ധയില്‍പ്പെട്ടത്.
ഉടനെ കിടന്നുറങ്ങുകയായിരുന്ന സഹോദരന്‍ ലക്ഷ്മിഷനേയും ഭാര്യയെയും മക്കളെയും വിളിച്ചുണര്‍ത്തി പുറത്തേക്ക് ഓടുകയായിരുന്നു. ഭരതന്റെ ഭാര്യയും മക്കളും കുടുംബ വീട്ടിലായിരുന്നു.