എടപ്പാള്‍: കഴിഞ്ഞ ദിവസമുണ്ടായ കനത്ത കാറ്റിലും മഴയിലും മേഖലയില്‍ വ്യാപക നാശനഷ്ടം. ഇരുപതോളം വീടുകള്‍ തകര്‍ന്നു. വിവിധ ഇടങ്ങളില്‍ മരങ്ങള്‍ വീണ് ഗതാഗതവും വൈദ്യുത വിതരണവും തടസ്സപ്പെട്ടു.
കോലളമ്പ് കോലത്താണ് കനത്ത നാശനഷ്ടമുണ്ടായത്. കുന്നത്ത് മനക്കല്‍ ദാമോദരന്‍ നമ്പൂതിരിയുടെ വീടിന്റെ മുന്‍വശത്തെ മാവ് കട പുഴങ്ങി വീണു.
മച്ചിങ്ങ വളപ്പില്‍ പ്രഭാകരന്‍, മച്ചിങ്ങ വളപ്പില്‍ മണികണ്ഠന്‍, പറമ്പത്ത് ശ്രീധരന്‍, കറുപ്പത്ത് വേലായുധന്‍ തുടങ്ങിയവരുടേതുള്‍പ്പെടെ ഇരുപതോളം വീടുകള്‍ക്കാണ് മരങ്ങള്‍ വീണ് തകരാറ് സംഭവിച്ചത്. മേഖലയില്‍ പലയിടത്തും വൈദ്യുത ബന്ധം വൈകീട്ടോടുകൂടിയാണ് പുനസ്ഥാപിക്കാന്‍ കഴിഞ്ഞത്.