പയ്യന്നൂര്‍: ഏഴിമല നാവിക അക്കാദമി മാലിന്യ പ്ലാന്റ് അടച്ചുപൂട്ടണമെന്നാവശ്യപ്പെട്ട് ജന ആരോഗ്യ സംരക്ഷണ സമിതി അക്കാദമി ഗെയിറ്റി           നു മുന്നില്‍ നടത്തിവരുന്ന അനിശ്ചിതകാല സമരം 59ാം ദിവസത്തിലേക്ക് കടന്നു. സമരപന്തലില്‍ നിധീഷ് കോടിയത്തിന്റെ നിരാഹാര സമരം നാലാം ദിവസത്തിലേക്ക് കടന്നു. നിരാഹാര സമരത്തിന് ഐക്യദാര്‍ഢ്യവുമായി ഇന്നലെ അനാഥരില്ലാത്ത ഭാരതം പ്രവര്‍ത്തകരായ ഡോ. ടി.എന്‍ സുരേന്ദ്രനാഥ്, ദിനു മൊട്ടമ്മല്‍, കുഞ്ഞിമംഗലം വിജയന്‍, സമരസമിതി പ്രവര്‍ത്തക കെ.പി കുഞ്ഞിപാര്‍വതി എന്നിവര്‍ അനുഭാവ ഉപവാസം നടത്തി. പ്രൊഫ. എം.ജെ മേരി, സി. പൂമണി, മോഹനന്‍, സി. രാമചന്ദ്രന്‍ സംസാരിച്ചു.