ശാസ്താംകോട്ട: ചത്ത കോഴികളെ ഉപേക്ഷിക്കാന്‍ വന്ന വാഹനം നാട്ടുകാര്‍ പിടികൂടി പൊലീസില്‍ ഏല്‍പ്പിച്ചു.
ഇന്നലെ ഉച്ചകഴിഞ്ഞ് മൂന്നിന് കടപുഴയ്ക്ക് സമീപം പൗണ്ട് മുക്കിന് സമീപമാണ് ചത്ത കോഴികളെ ഉപേക്ഷിക്കാന്‍ വന്ന ശാസ്താംകോട്ട പള്ളിശ്ശേരിക്കല്‍ സ്വദേശി ഷിബിമോനെ കോഴികളെയും കൊണ്ടുവന്ന മിനിലോറിയും ഉള്‍പ്പെടെ പിടികൂടി പൊലിസില്‍ ഏല്‍പ്പിച്ചത്. ഇവര്‍ തമിഴ് നാട്ടില്‍ നിന്ന് കോഴികളെ കൊണ്ടുവന്ന് വില്‍പ്പന നടത്തുന്നവരാണ്.
രണ്ട് മാസം മുമ്പ് പെരുവേലിക്കര,പൗണ്ട് മൂക്ക് ഭാഗങ്ങളില്‍ ചാക്കുകണക്കിന് കോഴി മലിന്യം തള്ളിയിരുന്നു.
അന്ന് നാട്ടുകാര്‍ സംഘടിച്ച് ജെ.സി.ബി വരുത്തി കുഴി എടുത്താണ് മറവ് ചെയ്തത്.