അമൃത്‌സര്‍: ചെയ്ത തെറ്റിന് പ്രായശ്ചിത്തമായി സുവര്‍ണ ക്ഷേത്രത്തില്‍ പാത്രങ്ങള്‍ കഴുകി ഡല്‍ഹി മുഖ്യമന്ത്രി അരവിന്ദ് കെജരിവാള്‍. ആം ആദ്മി പാര്‍ട്ടിയുടെ പ്രകടപത്രികയില്‍ സുവര്‍ണക്ഷേത്രത്തിന്റെ ചിത്രം ഉപയോഗിച്ചെന്ന തെറ്റിനാണ് കെജരിവാള്‍ പ്രായശ്ചിത്തം ചെയ്തത്. 45 മിനിറ്റോളം അദ്ദേഹം ക്ഷേത്ത്രത്തില്‍ ചെലവഴിക്കുകയും ചെയ്തു.

സിഖ് വിഭാഗക്കാരുടെ ആരാധനാലയമായ സുവര്‍ണക്ഷേത്രത്തിന്റെ ചിത്രം ആംആദ്മി പാര്‍ട്ടിയുടെ യൂത്ത് വിഭാഗം പുറത്തിറക്കിയ പ്രകടനപത്രികയിലാണ് പാര്‍ട്ടി ചിഹ്നമായ ചൂലിനൊപ്പം അച്ചടിച്ചു വന്നത്.

അറിയാതെ ചെയ്തു പോയ തെറ്റിന് പ്രായശ്ചിത്തം ചെയ്യുന്നതിന് വേണ്ടിയാണ് താന്‍ ക്ഷേത്രത്തിലെത്തി പാത്രങ്ങള്‍ കഴുകിയതെന്ന് കെജരിവാള്‍ മാധ്യമപ്രവര്‍ത്തകരോട് പറഞ്ഞു.