ഫറോക്ക്: പ്രോ ബി.ജെ.പി നയമാണ് സി.പി.എമ്മിന്റേതെന്ന് ജില്ലാ മുസ്‌ലിം ലീഗ് പ്രസിഡന്റ് ഉമ്മര്‍പാണ്ടികശാല. ബി.ജെ.പി ശക്തിപ്പെട്ടാലും കോണ്‍ഗ്രസ് തകരണമെന്നാണ് സി.പി.എം കരുതുന്നത്. ജനസംഘവുമായി കൂട്ടുപിടിച്ചാണ് പിണറായി കൂത്തുപറമ്പില്‍ വിജയിച്ചതെന്നും അദ്ദേഹം ആരോപിച്ചു. ബേപ്പൂര്‍ മേഖല യു.ഡി.എഫ് പൊതുയോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ചടങ്ങില്‍ ബേപ്പൂര്‍ മേഖലാ യു.ഡി.എഫ് ചെയര്‍മാന്‍ എം.ഐ മുഹമ്മദ് അധ്യക്ഷനായി. രാജീവന്‍ തിരുവച്ചിറ, എം. മുഹമ്മദ് കോയ ഹാജി, സൂഫിയാന്‍ ചെറുവാടി, എ.എം അനില്‍കുമാര്‍, വി.പി ജബ്ബാര്‍ സംസാരിച്ചു.