കോഴിക്കോട്: ദേശീയ സബ് ജൂനിയര്‍ ഫുട്‌ബോള്‍ ചാംപ്യന്‍ഷിപ്പ് കലാശപോരാട്ടത്തില്‍ ഇന്ന് മിസോറാം മേഘാലയയെ നേരിടും. വൈകിട്ട് 3.45ന് കോര്‍പറേഷന്‍ സ്റ്റേഡിയത്തിലാണ് മത്സരം. തുല്യശക്തികള്‍ തമ്മിലുള്ള മത്സരം പ്രവചനാതീതമാണ്. ഗോളടിയില്‍ മിസോറമിനേക്കാള്‍ മേല്‍ക്കൈ മേഘാലയക്കാണ്. തമിഴ്‌നാടിനെ 12 ഗോളിലാണ് അവര്‍ ഒതുക്കിയത്. മുന്‍ ചാംപ്യന്‍മാരായ കേരളത്തേയും ബംഗാളിനേയും തകര്‍ത്താണ് ഇരു ടീമുകളും സെമി കടന്നത്. വൈകിട്ട് 5.30ന് നടക്കുന്ന സമാപന ചടങ്ങില്‍ മേയര്‍ തോട്ടത്തില്‍ രവീന്ദ്രന്‍ വിജയികള്‍ക്ക് ട്രോഫി സമ്മാനിക്കും. കെ.എഫ്.എ സെക്രട്ടറി പി അനില്‍കുമാര്‍ ചടങ്ങില്‍ പങ്കെടുക്കും.