കോഴിക്കോട്: ലോക്‌സഭാ മണ്ഡലം യു.ഡി.എഫ് സ്ഥാനാര്‍ഥി എം.കെ രാഘവന്റെ പര്യടനം പ്രവര്‍ത്തകര്‍ക്ക് ആവേശമായി തുടരുന്നു. കടലുണ്ടി പഞ്ചായത്തിലെ ചാലിയം ഫിഷിങ് ഹാര്‍ബറില്‍ നിന്നായിരുന്നു ഇന്നലത്തെ പര്യടനത്തിന്റെ തുടക്കം.
ഫിഷിങ് ഹാര്‍ബര്‍ പരിസരത്ത് മുസ്‌ലിം ലീഗ് സംസ്ഥാന വൈസ് പ്രസിഡന്റ് എം.സി മായിന്‍ ഹാജി പര്യടനം ഉദ്ഘാടനം ചെയ്തു. ലൈറ്റ് ഹൗസ് പരിസരത്തായിരുന്നു അടുത്ത സ്വീകരണം. തുടര്‍ന്ന് കൈതവളപ്പ്, സിദ്ദീഖ് പള്ളി, കടുക്കബസാര്‍ ടിപ്പു സുല്‍ത്താന്‍ റോഡിലെ മള്‍ട്ടി ഡിസിപ്ലിനറി സ്‌കൂള്‍, സി.എച്ച് ബസ് സ്റ്റോപ്പ്, കടലുണ്ടി അങ്ങാടി, വടക്കുമ്പാട്, മുക്കത്ത്കടവ്, മണ്ണൂര്‍ വളവ് എന്നിവിടങ്ങളില്‍ പര്യടനം നടത്തി.
ഉച്ചയ്ക്ക് ശേഷം ഫറോക്ക് പേട്ട, അമാന ടൊയോട്ട, സ്റ്റീല്‍ കോംപ്ലക്‌സ്, പി.കെ സ്റ്റീല്‍, താരശ്രീ, ഹൈടെക് ബാംബൂ ടൈല്‍ ഫാക്റ്ററി എന്നിവിടങ്ങളില്‍ തൊഴിലാളികളെ സന്ദര്‍ശിച്ച് വോട്ടഭ്യര്‍ഥിച്ചു. വൈകുന്നേരത്തോടെ മിഠായിത്തെരുവിലെത്തി. കടകളിലും വിവിധ സ്ഥാപനങ്ങളിലും വോട്ടു തേടി.
വിവിധ കേന്ദ്രങ്ങളില്‍ യു. പോക്കര്‍, ടി. ശിവദാസന്‍, ടി.കെ അബ്ദുല്‍ ഗഫൂര്‍, ആദം മുല്‍സി, തസ്‌വീര്‍ ഹസന്‍, കെ.കെ ആലിക്കുട്ടി മാസ്റ്റര്‍, പി.സി അഹമ്മദ്കുട്ടി ഹാജി, മധു ഫറോക്ക്, കെ. സുരേഷ്, മുഹമ്മദ് കാസിം, സി.പി അളകേശന്‍, പി.ടി സേതുമാധവന്‍, രബീഷ് മാമ്പയില്‍, സി.വി ബാവ, സൈനുല്‍ ആബിദീന്‍ തങ്ങള്‍, ഷഫീഖ് അരക്കിണര്‍, റാഷിദ് നന്മണ്ട, ഹബീബ് ചെറൂപ്പ, ഷനോജ് കുരുവട്ടൂര്‍, സിജി കൊട്ടാരത്തില്‍ സംസാരിച്ചു.