കുന്നംകുളം : തട്ടുകട തൊഴിലാളി വിബീഷിന്റെ മരണത്തിന്റെ ഉത്തരവാദിത്വം ബി ജെ പി കൗണ്‍സിലര്‍മാര്‍ക്കാണെന്ന് വിമത കോണ്‍ഗ്രസ്.
തട്ട് കടവിഷയം കൗണ്‍സിലില്‍ ചര്‍ച്ച ചെയ്യപെട്ടപ്പോള്‍ മൗനം പാലിക്കുകയും സാമഗ്രികള്‍ തിരിച്ചു കൊടുക്കണമെന്നും, പാവപെട്ടവരുടെ ജീവിത ഉപാദിയായ തട്ടുകടകള്‍ മറ്റെവിടെയെങ്കിലും പ്രവര്‍ത്തിക്കാന്‍ അനുമതി നല്‍കണമെന്നും താനടങ്ങുന്ന ആറംഗങ്ങള്‍ ആവശ്യമുന്നയിച്ചപ്പോള്‍ അതിനെ പിന്തുണക്കാന്‍ ബി.ജെ.പി കൗണ്‍സിലര്‍മാര്‍ തയ്യാറായില്ലെന്ന് പൊതുമരാമത്ത് സഥിരം സമതി അധ്യക്ഷന്‍കൂടിയായ ഷാജി ആലിക്കല്‍ പറഞ്ഞു.
ബി.ജെ.പി കൗണ്‍സിലര്‍മാര്‍ തന്നെ സഹായിക്കുമെന്ന് വിബീഷ് വിശ്വസിച്ചിരുന്നു. എന്നാല്‍ തങ്ങള്‍ ശരിയാക്കാമെന്ന് ഉറപ്പു നല്‍കുകയും, കൗണ്‍സിലില്‍ മൗനം പാലിക്കുകയും ചെയതതിന്റെ ഭവിഷത്താണ് ഒരു യുവാവിന്റെ മരണത്തിന് കാരണമായത്. ശേഷം അത് ഭരണ സമതിക്ക് മേല്‍കെട്ടി വെക്കാന്‍ ശ്രമം നടത്തുകയാണ്.
നഗരസഭ സെക്രട്ടറിയുടെ മനുഷ്യത്വ രഹിതമായ നിരന്തര പ്രവര്‍ത്തനങ്ങളുടെ ഉദാഹരണം കൂടിയാണ് സംഭവം. നഗരത്തില്‍ മുതലാല്‍മാരും, വന്‍കിട കച്ചവടക്കാരും അനധികൃതമായി കച്ചവടം ചെയ്യുകയും, കെട്ടിടങ്ങള്‍ നിര്‍മിക്കുയും ചെയ്യമ്പോള്‍ നടപടിക്കൊരുങ്ങാതെ അന്നത്തെ അന്നത്തിനായി പണിയെടുക്കുന്ന സാധാരണക്കാരെ ഭയപെടുത്തുകയും, ആട്ടിയോടിക്കുകയും ചെയ്യുകയാണ് സെക്രട്ടറി. അത് കൊണ്ട് തന്നെ നഗരസഭ സെക്രട്ടറക്കെതിരേയും നടപടി വേണമെന്നും ഷാജി ആവശ്യപെട്ടു.
സെക്രട്ടറിക്കെതിരേ നിരവധി ആരോപണങ്ങളുയരുന്ന സാഹചര്യത്തില്‍ സെക്രട്ടറിയെ സ്ഥലം മാറ്റണമെന്നാവശ്യപെട്ട് പരാതി നല്‍കുമെന്നും ഷാജി പറഞ്ഞു.