തൃശൂര്‍: കേരള സംഗീതനാടക അക്കാദമി 2016 ലെ ഫെല്ലോഷിപ്പ്, അവാര്‍ഡ്, ഗുരുപൂജ പുരസ്‌കാരങ്ങള്‍ പ്രഖ്യാപിച്ചു. പ്രഫ.ജി.കുമാരവര്‍മ്മ, പ്രഫ.പി.ആര്‍ കുമാര കേരളവര്‍മ്മ, നിര്‍മലാ പണിക്കര്‍ എന്നിവര്‍ക്കാണ് ഫെല്ലോഷിപ്പ്. നാടകത്തിന് ഏര്‍പ്പെടുത്തിയ സി.ഐ പരമേശ്വരന്‍പിള്ള മെമ്മോറിയല്‍ എന്‍ഡോവ്‌മെന്റ് അരുണ്‍ലാലിനും നാടകലകള്‍ക്ക് നല്‍കുന്ന ടി.പി സുകുമാരന്‍ മെമ്മോറിയല്‍ എന്‍ഡോവ്‌മെന്റ് പ്രസീദ ചാലക്കുടിക്കും നല്‍കും. വിവിധ മേഖലകളിലെ സംഭാവനക്ക് നല്‍കുന്ന അക്കാദമി അവാര്‍ഡ് 15 പേര്‍ക്ക് നല്‍കും. നാടക രചന, സംവിധാനം എന്നിവക്ക് എ.ശാന്തകുമാര്‍, നാടക രചനക്ക് സി.കെ ശശി, നാടക നടി കോഴിക്കോട് ശാരദ എന്നിവര്‍ അവാര്‍ഡിന് അര്‍ഹരായി.