കൊച്ചി: അപകടങ്ങള്‍ ഒഴിവാക്കാന്‍ ജലയാനങ്ങള്‍ നിയമാനുസൃത പരിശോധനകള്‍ക്ക് വിധേയമാക്കണമെന്നും ഉള്‍നാടന്‍ ജലയാനച്ചട്ടത്തിലെ വ്യവസ്ഥ കര്‍ശനമായി പാലിക്കണമെന്നും ഹൈക്കോടതി നിര്‍ദേശിച്ചു.
ഫാക്ടിലേക്ക് അമോണിയ വാതകം കൊണ്ടുപോകുന്ന ഹെയില്‍ മേരി എന്ന ബാര്‍ജ് പരിശോധനയ്ക്ക് ഹാജരാക്കണമെന്ന തുറമുഖ ഡയറക്ടറുടെ നിര്‍ദേശത്തിനെതിരേ ഉടമ കൊച്ചി സ്വദേശി ജയിംസ് നല്‍കിയ ഹര്‍രജിയിലാണ് സിംഗിള്‍ബെഞ്ച് ഇക്കാര്യം വ്യക്തമാക്കിയത്. ഹരജിക്കാരന്‍ ഒരാഴ്ചയ്ക്കുള്ളില്‍ ബാര്‍ജ് പരിശോധനയ്ക്ക് ഹാജരാക്കണമെന്നും തുടര്‍ന്ന് രണ്ടാഴ്ചയ്ക്കുള്ളില്‍ പരിശോധന പൂര്‍ത്തിയാക്കണമെന്നും സിംഗിള്‍ബെഞ്ച് നിര്‍ദേശിച്ചിട്ടുണ്ട്.
2018 വരെ രജിസ്‌ട്രേഷന്‍ ഉണ്ടെന്നും ബാര്‍ജ് കരയ്ക്കു കയറ്റി പരിശോധന നടത്തണമെന്ന തുറമുഖ ഡയറക്ടറുടെ നിര്‍ദേശം ഫാക്ടിലേക്ക് അമോണിയ വാതകം എത്തിക്കുന്ന ജോലി തടസപ്പെടുത്തുമെന്നുമായിരുന്നു ഹരജിക്കാരന്റെ വാദം.