കൊല്ലം: കേരളാ അറബിക് ടീച്ചേഴ്‌സ് ഫെഡറേഷന്‍ സംസ്ഥാന എക്‌സിക്യൂട്ടീവ് ക്യാംപ് 29,30 തിയതികളില്‍ കൊല്ലം പള്ളിമുക്ക് ഫാത്തിമാ മെമ്മോറിയല്‍ ബി.എഡ് കാംപസില്‍ നടക്കുമെന്ന് സ്വാഗതസംഘം ചെയര്‍മാന്‍ മുന്‍ എം.എല്‍.എ ഡോ. എ യുനുസ്‌കുഞ്ഞ് വാര്‍ത്താസമ്മേളനത്തില്‍ അറിയിച്ചു. 29ന് ഉച്ചയ്ക്ക് രണ്ടിന് ഫെഡറേഷന്‍ സംസ്ഥാന പ്രസിഡന്റ് എ മുഹമ്മദ് പതാക ഉയര്‍ത്തും. വൈകിട്ട് മൂന്നിന് സമ്മേളനം എന്‍.കെ പ്രേമചന്ദ്രന്‍ എം.പി ഉദ്ഘാടനം ചെയ്യും. മേയര്‍ വി. രാജേന്ദ്രബാബു മാഗസിന്‍ പ്രകാശനവും സംസ്ഥാന പ്രസിഡന്റ് എ മുഹമ്മദ് ആമുഖ പ്രഭാഷണവും നടത്തും. 30ന് ഉച്ചയ്ക്ക് 12.30ന് സമാപനസമ്മേളനം മന്ത്രി ജെ. മേഴ്‌സിക്കുട്ടിയമ്മ ഉദ്ഘാടനം ചെയ്യും. എ. മുഹമ്മദ് അധ്യക്ഷനാകും. മുസ്‌ലിം ലീഗ് ജില്ലാ ജനറല്‍സെക്രട്ടറി എം. അന്‍സാറുദ്ദീന്‍ മുഖ്യപ്രഭാഷണം നടത്തും. കൊളത്തൂര്‍ ടി. മുഹമ്മദ് മൗലവി സമാപന സന്ദേശം നല്‍കും.
വാര്‍ത്താസമ്മേളനത്തില്‍ കെ. എ.ടി. എഫ് ജില്ലാ പ്രസിഡന്റ് എ. നിസാമുദ്ദീന്‍കുഞ്ഞ്, ജില്ലാ ജനറല്‍സെക്രട്ടറി ഇ. ഷാനവാസ്ഖാന്‍, എസ.് അഹമ്മദ് ഉഖൈല്‍,ഖുര്‍ഷിദ് എന്നിവര്‍ പങ്കെടുത്തു.