റിയാദ്: യമനില്‍ സര്‍ക്കാരിന് വേണ്ടി യുദ്ധത്തിലേര്‍പ്പെട്ട സഖ്യസേനയിലെ രണ്ടു സഊദി സൈനികര്‍ കുഴിബോംബ് സ്‌ഫോടനത്തില്‍ കൊല്ലപ്പെട്ടു. അതിര്‍ത്തി പ്രദേശമായ ജിസാനിലെ അല്‍ റദ പ്രദേശത്തു അതിര്‍ത്തി പരിശോധനയില്‍ ഏര്‍പ്പെട്ട രണ്ടു സുരക്ഷാ ഉദ്യോഗസ്ഥരാണ് കുഴിബോംബ് സ്‌ഫോടനത്തില്‍ കൊല്ലപ്പെട്ടതെന്ന് സഊദി ആഭ്യന്തര മന്ത്രാലയം പ്രസ്താവനയില്‍ പറഞ്ഞു.

കുഴിബോംബിന് പുറമെ യമന്‍ അതിര്‍ത്തി പ്രദേശത്തു നിന്നു റോക്കറ്റ് ആക്രമണം ഉണ്ടായതായും പ്രതിരോധ വകുപ്പുകളെ ഉദ്ധരിച്ച് സഊദി വാര്‍ത്താ ഏജന്‍സി റിപ്പോര്‍ട്ട് ചെയ്തു.