തിരുവമ്പാടി (കോഴിക്കോട്): ആനക്കാംപൊയില്‍ പതങ്കയത്ത് സഹപാഠികളുമൊത്ത് കുളിക്കുന്നതിനിടെ ചുഴിയില്‍പെട്ട് വിദ്യാര്‍ഥി മുങ്ങിമരിച്ചു. മലപ്പുറം തിരൂരങ്ങാടി പന്താരങ്ങാടി താപ്പി സാജുദ്ദീന്റെ മകന്‍ ഇസ്ഹാഖ് (18)ആണ് മരിച്ചത്. കാരന്തൂര്‍ മര്‍കസില്‍ വെക്കേഷന്‍ ഇംഗീഷ് കോഴ്‌സിന് വന്ന 15 ഓളം വിദ്യാര്‍ഥികളും ഒരു അധ്യാപകനും പഠനത്തിന്റെ ഭാഗമായി ഇന്നലെ 12.30 ഓടെ പതങ്കയത്ത് വന്നതായിരുന്നു. ഇതിനിടെ ചുഴിയില്‍ വഴുതി വീണ് മുങ്ങിപ്പോയ ഇസ്ഹാഖിനെ ഉടന്‍ തന്നെ സുഹൃത്തുക്കളും നാട്ടുകാരും ചേര്‍ന്ന് താമരശ്ശേരി താലൂക്ക് ആശുപത്രിയില്‍ എത്തിച്ചെങ്കിലും മരണം സംഭവിച്ചിരുന്നു. മാതാവ്:സക്കീന, സഹോദരങ്ങള്‍: റമീസ പര്‍വീന്‍,അല്‍ യസഅ്.