ദുബൈ: രാജ്യത്ത് ആണവനിലയം പ്രവര്‍ത്തനമാരംഭിക്കാനുള്ള നീക്കവുമായി യു.എ.ഇ. കൊറിയ വൈദ്യുതോര്‍ജ കോര്‍പറേഷന്‍ അബൂദബിയില്‍ നിര്‍മിച്ചുനല്‍കിയ ബറക ആണവോര്‍ജ നിലയം വൈകാതെ പ്രവര്‍ത്തനമാരംഭിക്കുമെന്ന് എമിറേറ്റ്‌സ് ആണവോര്‍ജ കോര്‍പറേഷന്‍ അറിയിച്ചു.
2017ല്‍ നിലയം പ്രവര്‍ത്തനമാരംഭിക്കുന്നത് ചില കാരണങ്ങളാല്‍ വൈകുകയായിരുന്നു. ബറക ആണവോര്‍ജ നിലയത്തിന്റെ ആദ്യ യൂനിറ്റ് നവാ ഊര്‍ജ കമ്പനി ഇതിനകം പ്രവര്‍ത്തിപ്പിച്ചു തുടങ്ങിയിട്ടുണ്ട്. അല്‍ ദഫ്‌റ മേഖലയിലാണിത്. നാലു യൂനിറ്റുകളാണ് ആകെയുള്ളത്. ഇവയില്‍ ആണവ ഇന്ധനം നിറച്ചതായി ദുബൈ ഭരണാധികാരി ശെയ്ഖ് മുഹമ്മദ് ബിന്‍ റാഷിദ് അല്‍ മക്തൂം അറിയിച്ചു. ബറക നിലയത്തില്‍ നിന്ന് 5600 മെഗാവാട്ട് വൈദ്യുതി ഉല്‍പാദിപ്പിക്കാനാണ് പദ്ധതി.