ഹൈദാരാബാദ്: ഐ.പി.എല്ലില്‍ സണ്‍റൈസേഴ്‌സ് ഹൈദരാബാദിനെ പരാജയപ്പെടുത്തി ഡല്‍ഹി ക്യാപിറ്റല്‍സ്. 39 റണ്‍സിനാണ് ഡല്‍ഹിയുടെ വിജയം. ജയത്തോടെ പോയിന്റ് പട്ടികയില്‍ ഡല്‍ഹി രണ്ടാം സ്ഥാനത്തെത്തി. മധ്യനിര ബാറ്റ്‌സ്മാന്‍മാര്‍ ബാറ്റിങ്ങില്‍ പരാജയപ്പെട്ടതോടെയാണ് അനായാസം ജയിക്കാവുന്ന കളി ഹൈദരാബാദ് കൈവിട്ടത്. ആദ്യം ബാറ്റ് ചെയ്ത ഡല്‍ഹിയെ 155 റണ്‍സിലൊതുക്കിയ ഹൈദരബാദ് 116 റണ്‍സില്‍ എല്ലാ വിക്കറ്റുകളും നഷ്ടപ്പെടുത്തി. സീസണില്‍ ഹൈദരാബാദിന്റെ നാലാം തോല്‍വിയാണിത്. 51 റണ്‍സ് നേടിയ ഡേവിഡ് വാര്‍ണറും 41 റണ്‍സ് നേടിയ ജോണി ബൈര്‍സ്‌റ്റോവും മാത്രമാണ് ഹൈദരാബാദ് നിരയില്‍ തിളങ്ങിയത്. ഡല്‍ഹിക്ക് വേണ്ടി റബാഡ നാല് വിക്കറ്റും ക്രിസ് മോറിസ് കീമോ പോള്‍ എന്നിവര്‍ മൂന്ന് വീതം വിക്കറ്റുകളും നേടി.
45 റണ്‍സ് നേടിയ ശ്രേയസ് അയ്യരാണ് ഡല്‍ഹി നിരയില്‍ കൂടുതല്‍ റണ്‍സെടുത്തത്.