മുളങ്കുന്നത്തുകാവ്: അനിമല്‍ ഹസ്‌ബെന്ററി അസി.ഡയറക്ടര്‍മാര്‍ക്കുള്ള മൂന്നുദിവസത്തെ നൈപുണ്യ പരിശീലനം കിലയില്‍ തുടങ്ങി. കില ഡയറക്ടര്‍ ഡോ.പി.പി ബാലന്‍ ഉദ്ഘാടനം ചെയ്തു.
വെറ്ററിനറി യൂനിവേഴ്‌സിറ്റിയിലെ ദീപ ആനന്ദ് അധ്യക്ഷത വഹിച്ചു. കോഴ്‌സ് ഡയറക്ടര്‍ ഡോ.ജെ.ബി രാജന്‍, കോര്‍ഡിനേറ്റര്‍ വി.ജി ശശിധരന്‍ സംസാരിച്ചു.
പൊതുഭരണം, ടോട്ടല്‍ ക്വാളിറ്റി മാനേജ്‌മെന്റ്, വ്യക്തിത്വ വികസനം, ഓഫിഷ്യല്‍ കമ്മ്യൂണിക്കേഷന്‍, ഫയല്‍ മാനേജ്‌മെന്റ്, പദ്ധതി ആസൂത്രണം, ടൈം മാനേജ്‌മെന്റ് തുടങ്ങിയ പതിമൂന്ന് വിഷയങ്ങളിലാണ് പരിശീലനം. ഡോ.എസ്.കെ ബിജു, വര്‍ക്കി ജോസഫ്, ഹാഷിം, ജസ്റ്റിന്‍, സി.രാധാകൃഷ്ണന്‍, ഡോ.സാബു വര്‍ഗീസ്, ജെ.നെല്‍സണ്‍, രാമനാഥപിള്ള, ജോസഫ് ജോണ്‍ തുടങ്ങിയ വിദഗ്ദ്ധരാണ് ക്ലാസെടുക്കുന്നത്.
കിലയും കേരള വെറ്ററിനറി ആന്റ് അനിമല്‍ സയന്‍സ് യൂനിവേഴ്‌സിറ്റിയും സംയുക്തമായാണ് പരിശീലനം സംഘടിപ്പിക്കുന്നത്.