ബംഗളൂരു: കര്‍ണാടകയില്‍ ബി.ജെ.പിയെ ഒറ്റ അക്കത്തില്‍ ഒതുക്കുമെന്ന് കോണ്‍ഗ്രസ് നേതാവും മന്ത്രിയുമായ ഡി.കെ ശിവകുമാര്‍. കോഴ നല്‍കി കോണ്‍ഗ്രസ് എം.എല്‍.എമാരെ കൈക്കലാക്കാനുള്ള ബി.ജെ.പിയുടെ ശ്രമം വിജയിക്കില്ല. കോണ്‍ഗ്രസ്- ജെ.ഡി.എസ് സഖ്യത്തില്‍ താഴേത്തട്ടില്‍ പ്രശ്‌നങ്ങളുണ്ടെങ്കിലും അതിനെ ചൂഷണം ചെയ്യാന്‍ ബി.ജെ.പിക്കു കഴിയില്ലെന്നും അദ്ദേഹം പറഞ്ഞു.
ബി.ജെ.പിക്കെതിരായ മുഖ്യ ആയുധമായി ജെ.ഡി.എസ് സഖ്യത്തെ നിലനിര്‍ത്തുന്നതില്‍ നിര്‍ണായക പങ്കു വഹിക്കുന്ന നേതാവാണ് ശിവകുമാര്‍. പണം കൊടുത്ത് അധികാരം പിടിക്കുന്ന ബി.ജെ.പിയുടെ നാടകം തെരഞ്ഞെടുപ്പിന് ശേഷവുമുണ്ടാകുമെന്നും അദ്ദേഹം പറഞ്ഞു.