അജാനൂര്‍: നോര്‍ത്ത് ചിത്താരിയില്‍ നിര്‍മിച്ച ശംസുല്‍ ഉലമാ ഇസ്‌ലാമിക് സെന്ററിന്റെ ഉദ്ഘാടനം നാളെ വൈകുന്നേരം നാലിന് ചിത്താരി അസീസിയ്യാ മദ്‌റസാ പരിസരത്തെ ആനക്കര കോയക്കുട്ടി ഉസ്താദ് നഗറില്‍ പാണക്കാട് ഹൈദരലി ശിഹാബ് തങ്ങള്‍ നിര്‍വഹിക്കും. എസ്.വൈ.എസ് സംസ്ഥാന വൈസ് പ്രസിഡന്റ് മെട്രോ മുഹമ്മദ് ഹാജി അധ്യക്ഷനാവും. ബഷീര്‍ ഫൈസി ദേശമംഗലം മുഖ്യ പ്രഭാഷണം നടത്തും. സയ്യിദ് നജ്മുദ്ദീന്‍ പൂക്കോയ തങ്ങള്‍ കൂട്ടുപ്രാര്‍ഥനക്ക് നേതൃത്വം നല്‍കും. സമസ്ത ജന. സെക്രട്ടറി പ്രൊഫ. കെ ആലിക്കുട്ടി മുസ്‌ലിയാര്‍ക്കു സ്വീകരണവും ശംസുല്‍ ഉലമാ അവാര്‍ഡ് ജേതാവ് മെട്രോ മുഹമ്മദ് ഹാജിയെ ആദരിക്കലും സമസ്ത പൊതുപരീക്ഷയില്‍ അസീസിയ്യാ മദ്‌റസയില്‍ നിന്നും റാങ്കുകള്‍ നേടിയ വിദ്യാര്‍ഥികള്‍ക്കുള്ള അനുമോദനവും ചടങ്ങില്‍ നടക്കും. എം.എ ഖാസിം മുസ്‌ലിയാര്‍, താജുദ്ദീന്‍ ദാരിമി, ബഷീര്‍ വെള്ളിക്കോത്ത്, ടി.പി അലി ഫൈസി തുടങ്ങിയവര്‍ സംബന്ധിക്കും. രാവിലെ പത്തിന് സ്വാഗത സംഘം ചെയര്‍മാന്‍ സി മുഹമ്മദ് കുഞ്ഞി ഹാജി പതാക ഉയര്‍ത്തും. വ്യാഴാഴ്ച വൈകുന്നേരം ഏഴിന് നടക്കുന്ന മത പ്രഭാഷണ സദസ്സ് മെട്രോ മുഹമ്മദ് ഹാജി ഉദ്ഘാടനം ചെയ്യും. സി മുഹമ്മദ് കുഞ്ഞി ഹാജി അധ്യക്ഷനാവും. അശ്‌റഫ് റഹ്മാനി ചൗക്കി മുഖ്യ പ്രഭാഷണം നടത്തും. സയ്യിദ് മഹ്മൂദ് സഫ്‌വാന്‍ തങ്ങള്‍ ഏഴിമല മജ്‌ലിസുന്നൂറിന് നേതൃത്വം നല്‍കും.