മുതുതല: മുതുതല മടക്കുമുറി മഹല്ല്-മദ്‌റസ-എച്ച്.ഐ.എസ് കമ്മിറ്റികള്‍ സംയുക്തമായി സംഘടിപ്പിക്കുന്ന ദിക്‌റ് മജ്‌ലിസുന്നൂര്‍ വാര്‍ഷിക മതപ്രഭാഷണത്തിന് ഇന്ന് തുടക്കമാകും. മൂന്ന് ദിവസങ്ങളിലായി നടക്കുന്ന പരിപാടി മര്‍ഹൂം ടി.പി അബ്ദുറഹ്മാന്‍ മുസ്‌ലിയാര്‍ നഗറില്‍ ടി.പി ബഷീര്‍ ഫൈസി ഉദ്ഘാടനം ചെയ്യും. ടി.ടി അബൂബക്കര്‍ വഹബി അധ്യക്ഷനാകും. സ്വലാഹുദ്ദീന്‍ ഫൈസി വെന്നിയൂര്‍ പ്രഭാഷണം നടത്തും. നാളെ സമസ്ത ഇസ്‌ലാമിക കലാമേളയില്‍ വിജയികളായ വിദ്യാര്‍ഥികളുടെ കലാപരിപാടികള്‍ അരങ്ങേറും. എം.കെ.എ സലാം അഷ്‌റഫി ഉദ്ഘാടനം ചെയ്യും.
സമാപന ദിവസമായ തിങ്കളാഴ്ച നടക്കുന്ന ദിക്‌റ് മജ്‌ലിസുന്നൂര്‍ ദുആ സമ്മേളനം പാണക്കാട് സയ്യിദ് റഷീദലി ശിഹാബ് തങ്ങള്‍ ഉദ്ഘാടനം ചെയ്യും. പി.കെ ഇമ്പിച്ചിക്കോയതങ്ങള്‍ കൊടക്കാട് ദുആ സമ്മേളനത്തിന് നേതൃത്വം നല്‍കും. ബുഖാരി ഫൈസി നിസാമി കണിയാപുരം മുഖ്യപ്രഭാഷണം നിര്‍വ്വഹിക്കും.