ആനക്കര: മൊബൈല്‍ മോഷ്ടാവ് പിടിയില്‍  താമരശ്ശേരി അടിവാരം, ആലംപടി അബൂബക്കറിന്റെ മകന്‍ ഷിഹാബ് (22)നെയാണ് തൃത്താല പോലീസ് പിടികൂടിയത്.
കഴിഞ്ഞ 17 ന് കാരമ്പത്തൂര്‍ മൂന്നുമൂല കാരമ്പത്തൂരില്‍ പെയിന്റിങ് പണി എടുക്കുന്ന വീട്ടില്‍ നിന്ന് മൊബൈല്‍, പണമടങ്ങിയ പഴ്‌സ് മോഷണം നടത്തിയ കേസിലെ പ്രതിയാണ് ഷിഹാബ്.
ആഡംബറകാറുകള്‍ വാടകക്കെടുത്ത് അതില്‍ സഞ്ചരിച്ച് പള്ളികളില്‍ കയറി പണവും മൊബൈലുകളും മോഷ്ടിക്കുകയും കെട്ടിട നിര്‍മാണം നടക്കുന്ന സ്ഥലങ്ങളിലെത്തി എന്‍ജിനീയറാണന്നും മറ്റും സ്വയം പരിചയപെടുത്തി വിശ്വാസിയായി ഇവിടെനിന്നും പണവും മൊബൈലുകളും മോഷ്ടിക്കുകയുമാണ് പതിവെന്ന് പൊലിസ് പറഞ്ഞു.
പിന്നീട് എ.സി മുറികള്‍വാടകക്കെടുത്ത് അനാശ്വാസപ്രവര്‍ത്തനവും നടത്തിവരികയാണന്നും പൊലീസ് പറഞ്ഞു.
ഇത്തരത്തില്‍ പാലക്കാട്- മലപ്പുറം ജില്ലകളില്‍ മാത്രം 30 ലേറെ കേസുണ്ട്.  തൃത്താല വെളളിയാങ്കല്ലില്‍ ഷൊര്‍ണൂര്‍ ഡിവൈ.എസ്.പി, പട്ടാമ്പി സി.ഐ,തൃത്താല എസ്.ഐ ബിനു എന്നിവരുടെ നേത്യത്വത്തിലുളള സംഘമാണ് ഷിഹാബിനെ പിടികൂടിയത്.
പ്രതിയെ പട്ടാമ്പി കോടതിയില്‍ ഹാജരാക്കി റിമാന്റ് ചെയ്തു.