കൊച്ചി: കൊച്ചിയില്‍ നടക്കുന്ന ലാലിഗ അന്താരാഷ്ട്ര ത്രികോണ മത്സരത്തില്‍ പങ്കെടുക്കുന്ന കേരളാ ബ്ലാസ്റ്റേഴ്‌സ് ടീമംഗങ്ങളുടെ പരിശീലനം അഹമ്മദാബാദിലെ ട്രാന്‍സ്‌സ്റ്റേഡിയ സ്റ്റേഡിയത്തില്‍ ആരംഭിച്ചു. കൊച്ചി ജവഹര്‍ലാല്‍ നെഹ്‌റു സ്റ്റേഡിയത്തില്‍ ഈമാസം 24, 26, 28 തിയതികളിലാണ് പ്രമുഖ സ്പാനിഷ് ക്ലബായ ജിറോണയും ആസ്‌ത്രേലിയന്‍ ക്ലബായ മെല്‍ബണ്‍ സിറ്റിയും കേരളാ ബ്ലാസ്റ്റേഴ്‌സും പങ്കെടുക്കുന്ന ലാലിഗാ വേള്‍ഡ് ടൂര്‍ണമെന്റ് സംഘടിപ്പിച്ചിട്ടുള്ളത്.

ഇന്ത്യയില്‍ ആദ്യമായി ഇങ്ങനെയൊരു ടൂര്‍ണമെന്റ് ലാലിഗ സംഘടിപ്പിച്ചിട്ടുള്ളതും കൊച്ചിയിലാണ്. മത്സരം വീക്ഷിക്കുന്നതിനുള്ള ടിക്കറ്റുകള്‍ ഓണ്‍ലൈനായി കിശെറലൃ.ശി എന്ന വെബ്‌സൈറ്റ് വഴിയും. ഓഫ് ലൈനായി 62355 444444 എന്ന നമ്പറിലൂടെയും ലഭിക്കുന്നതാണ്.
കഴിഞ്ഞ ഐ.എസ്.എല്‍ സീസണില്‍ കളിച്ച കറേജ് പെക്യുസണ്‍, ലാക്കി പെസിച്ച്, കെസിറോണ്‍ കിസിറ്റോ, 2018 സീസണിലേക്ക് കരാറിലെത്തിയ സെര്‍ബിയന്‍ സ്‌ട്രൈക്കര്‍ സ്ലോവിസ സ്റ്റോജനോവിക്ക്, സിമിന്‍ലന്‍ ദൗങ്കല്‍, ജിതിന്‍ എം.എസ്, സക്കീര്‍ മുണ്ടംപറ, അബ്ദുല്‍ ഹക്കു, ഹലിചരണ്‍ നര്‍സാരി, അനസ് എടത്തൊടിക തുടങ്ങിയവര്‍ അഹമ്മദാബാദിലെ പരിശീലന ക്യാംപില്‍ എത്തിയിട്ടുണ്ട്.