അന്തിക്കാട്: ഒരാഴ്ചയായി കുടിവെള്ളം ലഭിക്കാതെ ദുരിതത്തിലായ മുറ്റിച്ചൂര്‍ നിവാസികള്‍ക്ക് ആശ്വാസമേകി എസ്.കെ.എസ്.എസ്.എഫ് പെരിങ്ങോട്ടുകര യൂനിറ്റ്.
പ്രദേശത്തെ വീടുകളിലേക്ക് ആവശ്യമായ വെള്ളമാണ് പ്രവര്‍ത്തകര്‍ എത്തിച്ചു നല്‍കിയത്. പൊരിവെയിലിനെ വകവയ്ക്കാതെയാണ് കുടിനീര്‍ കൂട്ടായ്മ പ്രവര്‍ത്തകര്‍ വാഹനത്തില്‍ വെള്ളവുമായി എത്തിയത്.  എസ്.വൈ.എസ് പെരിങ്ങോട്ടുകര യൂനിറ്റ് സെക്രട്ടറി സാദിഖ് വലിയകത്ത്, കോഡിനേറ്റേഴ്‌സ് റിഫാസ് കോടഞ്ചേരി,സുല്‍ഫിക്കര്‍ ബാബു പണിക്കശേരി, ബഷീര്‍ കോല്‍പറമ്പില്‍ നേതൃത്വം നല്‍കി.  കുടിവെള്ള ക്ഷാമം നേരിടുന്ന പ്രദേശങ്ങളില്‍ പൊതുജന പങ്കാളിത്തതോടെ വെള്ളം ശേഖരിച്ച് ആവശ്യമായ കുടുംബങ്ങള്‍ക്ക് സൗജന്യമായി എത്തിച്ചു കൊടുക്കണമെന്ന സംസ്ഥാന പ്രസിഡന്റ് സയ്യിദ് ഹമീദലി ശിഹാബ് തങ്ങളുടെയും ജനറല്‍ സെക്രട്ടറി സത്താര്‍ പന്തല്ലൂരിന്റെയും ആഹ്വാനം അനുസരിച്ചാണ് പ്രവര്‍ത്തകര്‍ കുടിവെള്ളവുമായി എത്തിയത്.