കോങ്ങാട് : പാര്‍ലിമെന്റ് മണ്ഡലം യു.ഡി.എഫ് സ്ഥാനാര്‍ത്ഥി വി.കെ ശ്രീകണ്ഠന്റെ പര്യടനം കോങ്ങാട് നിയോജക മണ്ഡലത്തിലും ആവേശമായി മാറി. കോങ്ങാട് വാഴേമ്പുറത്ത് നിന്നാണ് ഇന്നത്തെ പര്യടനം ആരംഭിച്ചത്. തുടര്‍ന്ന് പര്യടനം നടത്തിയ 33 പ്രദേശങ്ങളിലും സ്ഥാനാര്‍ത്ഥിയെ യു.ഡി.എഫ് പ്രവര്‍ത്തകരും നാട്ടുകാരും ചേര്‍ന്ന് ആവേശത്തോടെ സ്വീകരിച്ചു.
പൊള്ളുന്ന ചൂടിനെ വകവയ്ക്കാതെ സ്ത്രീകളും കുട്ടികളും ഉള്‍പ്പെടെ ഒട്ടേറെ പേരാണ് സ്ഥാനാര്‍ത്ഥിയെ കാണാനും സ്വീകരിക്കാനുമായെത്തിയത്. കോങ്ങാട് മണ്ഡലത്തിലെ വിവിധ പ്രദേശങ്ങളിലെ കടകളിലും, കവലകളിലും ചെന്ന് സ്ഥാനാര്‍ത്ഥി വോട്ടര്‍മാരെ നേരില്‍ കണ്ട് വോട്ടഭ്യര്‍ത്ഥിച്ചു. സ്ഥാനാര്‍ഥി തുറന്ന വാഹനത്തില്‍ മണ്ഡലത്തിലെ വിവിധ മേഖലകളില്‍ പര്യടനം നടത്തി. വികസനത്തില്‍ പിന്നില്‍ നില്‍ക്കുന്ന കോങ്ങാട് നിയോജക മണ്ഡലത്തില്‍ താന്‍ എംപി ആയി തിരഞ്ഞെടുക്കപ്പെട്ടു കഴിഞ്ഞാല്‍ ഒട്ടേറെ വികസനങ്ങള്‍ കൊണ്ടു വരുമെന്ന് സ്ഥാനാര്‍ത്ഥി വോട്ടര്‍മാരോട് പറഞ്ഞു. കോങ്ങാട് പാറശേരിയില്‍ പര്യടനം സമാപിച്ചു.