തിരുവനന്തപുരം: വഞ്ചിയൂര്‍ സബ്- ട്രഷറിയില്‍ നിന്നും രണ്ടുകോടി രൂപ തട്ടിയ കേസിലെ പ്രതി ബിജു ലാലിനെ സര്‍വിസില്‍ നിന്ന് പിരിച്ചുവിടാന്‍ തീരുമാനം.
വിശദീകരണ നോട്ടീസ് പോലുമില്ലാതെ പിരിച്ചുവിടാനാണ് തീരുമാനം.
വഞ്ചിയൂര്‍ ട്രഷറിയില്‍ കൂട്ടസ്ഥലമാറ്റത്തിനും തീരുമാനമായി. തട്ടിപ്പ് കണ്ടുപിടിച്ച ഉദ്യോഗസ്ഥന്‍ ഒഴികെയുള്ളവരെയാണ് സ്ഥലം മാറ്റിയിരിക്കുന്നത്.
നടപടി ക്രമങ്ങള്‍ പാലിച്ച് ഉടന്‍ ധനവകുപ്പ് ഉത്തരവിറക്കും. ഗുരുതരമായ കുറ്റകൃത്യമാണ് ഇദ്ദേഹം നടത്തിയിരിക്കുന്നതെന്നും ധനവകുപ്പ് അറിയിച്ചു.

ഏതാനും ദിവസത്തിനുള്ളില്‍ ഉത്തറവിറക്കുമെന്ന് ധനമന്ത്രി തോമസ് ഐസക് അറിയിച്ചു. ഗുരുതരമായ സൈബര്‍ കുറ്റകൃത്യമെന്ന് ധനമന്ത്രി പറഞ്ഞു. അതേസമയം, അന്വേഷണത്തിന് പ്രത്യേക സംഘത്തെ നിയോഗിച്ചു. ധനവകുപ്പിലെ മൂന്ന് ഉദ്യാഗസ്ഥരും എന്‍.ഐ.സി പ്രതിനിധിയും അടങ്ങുന്ന സംഘം അന്വേഷിക്കും. അതിനിടെ, തട്ടിപ്പിന് ഉപയോഗിച്ച കമ്പ്യൂട്ടറും ഹാര്‍ഡ് ഡിസ്‌ക്കും പൊലിസ് കസ്റ്റഡിയിലെടുത്തു. ഹാര്‍ഡ് ഡിസ്‌ക് ഫോറന്‍സിക് പരിശോധനയ്ക്ക് അയക്കും.