കാസര്‍കോട്: ലോക്‌സഭാ തെരഞ്ഞെടുപ്പിന്റെ ഭാഗമായി വോട്ടിങ് മെഷീനുകളില്‍ ബാലറ്റ് പേപ്പറുകള്‍ ക്രമീകരിക്കുന്ന പ്രവൃത്തി 16ന് രാവിലെ 7.30ന് കാസര്‍കോട്, കാഞ്ഞങ്ങാട്, പയ്യന്നൂര്‍, മാടായി എന്നിവിടങ്ങളില്‍ നടക്കും.  മഞ്ചേശ്വരം, കാസര്‍കോട്, ഉദുമ നിയോജക മണ്ഡലങ്ങളിലെ വോട്ടിങ് മെഷീനുകളില്‍ ബാലറ്റ് പേപ്പറുകള്‍ ക്രമീകരിക്കുന്നത് കാസര്‍കോട് ഗവണ്‍മെന്റ് കോളജിലും, കാഞ്ഞങ്ങാട്, തൃക്കരിപ്പൂര്‍ നിയോജക മണ്ഡലങ്ങളിലേത് പടന്നക്കാട് നെഹ്‌റു കോളജിലും, പയ്യന്നൂര്‍ നിയോജക മണ്ഡലത്തിന്റേത് എ.കെ.ജി.എച്ച്.എസ്.എസ് പയ്യന്നൂരും കല്യാശേരി മണ്ഡലത്തിന്റേത് മാടായി ഗേള്‍സ് ഹയര്‍ സെക്കന്‍ഡറി സ്‌കൂളിലും നടക്കും.  എല്ലാ സ്ഥാനാര്‍ഥികളുടെയും പ്രതിനിധികള്‍ കൃത്യസമയത്ത് ഹാജരാകണമെന്ന് ജില്ലാ വരണാധികാരികൂടിയായ കലക്ടര്‍ ഡോ. ഡി. സജിത് ബാബു അറിയിച്ചു.