കാസര്‍കോട്: യു.ഡി.എഫ് സ്ഥാനാര്‍ഥി രാജ്‌മോഹന്‍ ഉണ്ണിത്താന്‍ പയ്യന്നൂരില്‍ രണ്ടാംഘട്ട പര്യടനത്തിനിറങ്ങി. പര്യടനം കാക്കയംചാല്‍ സെന്റ്.മേരീസ് ഫൊറോന പള്ളിയില്‍ ആരംഭിച്ചു. ഓശാന ഞായറാഴ്ച കുര്‍ബാനക്കെത്തിയ വിശ്വാസികളോട് വോട്ടഭ്യര്‍ഥിച്ചു. തുടര്‍ന്ന് ആദ്യ സ്വീകരണ സ്ഥലമായ പെരുമ്പടവിലെത്തി. മുസ്‌ലിം ലീഗ് സംസ്ഥാന ഉപാധ്യക്ഷന്‍ വി.കെ അബ്ദുല്‍ ഖാദര്‍ മൗലവി ഉദ്ഘാടനം ചെയ്തു. ശേഷം നൂറുകണക്കിന് വാഹനങ്ങളുടെ അകമ്പടിയോടെ തുറന്ന വാഹനത്തില്‍ എരമം കുറ്റൂര്‍ പഞ്ചായത്തിലെ കോയിപ്ര, വെള്ളോറ,കക്കറ, വട്ടേര,ഞെക്ലി പെടേന, പെരുവാമ്പ ഓലയമ്പാടി,മാതമംഗലം എന്നിവിടങ്ങളില്‍ സ്വീകരണം ലഭിച്ചു. സ്വീകരണ കേന്ദ്രങ്ങളില്‍ സ്ത്രീകളും കുട്ടികളുമടക്കം കൊന്നപ്പൂക്കുല നല്‍കിയാണ് സ്ഥാനാര്‍ഥിയെ വരവേറ്റത്.
തുടര്‍ന്ന് മണിയറ,കോറോം നോര്‍ത്ത്,വെള്ളൂര്‍, ആലിന്‍കീഴില്‍, അന്നൂര്‍, കോത്തായമുക്ക്, പെരുമ്പ, കേളോത്ത്,കൊറ്റി, പയ്യന്നൂര്‍ തെരു, കവ്വായി, വാടിപ്രം എന്നിവിടങ്ങളിലെ സ്വീകരണത്തിന് ശേഷം വടക്കുമ്പീട്ട് പര്യടനം സമാപിച്ചു.