കല്‍പ്പറ്റ: കേരളാ സ്റ്റേറ്റ് ബാര്‍ബര്‍ ബ്യൂട്ടീഷ്യന്‍സ് അസോസിയേഷന്‍ സംസ്ഥാന വാര്‍ഷിക ജനറല്‍ ബോഡി മെയ് ഒന്നിന് കല്‍പ്പറ്റ കെ.സി കുഞ്ഞിരാമന്‍ നഗറില്‍(ജിനചന്ദ്ര സ്മാരക ഹാള്‍) നടക്കും. 14 ജില്ലകളില്‍ നിന്നായി 500 പ്രതിനിധികള്‍ പങ്കെടുക്കും. രാവിലെ ഒന്‍പതിന് തുടങ്ങുന്ന മെയ് ദിന റാലിക്ക് ശേഷം സംസ്ഥാന പ്രസിഡന്റ് കെ.ഇ ബഷീര്‍ പതാക ഉയര്‍ത്തും.  പ്രതിനിധി സമ്മേളനം ഒ.ആര്‍ കേളു എം.എല്‍.എ ഉദ്ഘാടനം ചെയ്യും. പരിപാടിക്കുള്ള ഒരുക്കങ്ങള്‍ പൂര്‍ത്തിയായതായും മേഖലയുമായി ബന്ധപ്പെട്ട വിവിധ വിഷയങ്ങള്‍ പ്രതിനിധി സമ്മേളനം ചര്‍ച്ച ചെയ്യുമെന്നും ഭാരവാഹികള്‍ അറിയിച്ചു.