കല്‍പ്പറ്റ: കേരള പൊലിസ് ജനമൈത്രി സുരക്ഷാ പദ്ധതിയുടെ ഭാഗമായി സംസ്ഥാന തലത്തില്‍ നടന്നു വരുന്ന സുരക്ഷിത യാത്ര ശുഭയാത്ര ജില്ലയില്‍ പര്യടനം തുടങ്ങി. വാഹനാപകടങ്ങള്‍ കുറക്കുക എന്ന ലക്ഷ്യത്തോടെ ഏപ്രില്‍ 15 മുതല്‍ ജൂണ്‍ 15 വരെ നീണ്ടു നില്‍ക്കുന്നതാണ് യാത്ര.
ജില്ലയില്‍ നാളെയും തിങ്കളാഴ്ചയും യാത്ര തുടരും. യാത്രയ്ക്ക് കല്‍പ്പറ്റ പുതിയ ബസ്സ്റ്റാന്‍ഡില്‍ കല്‍പ്പറ്റ ഡി.വൈ.എസ്.പി മുഹമ്മദ് ഷാഫി ഉദ്ഘാടനം ചെയ്തു. ഡി.വൈ.എസ്.പി വി ഹരിഹരന്‍ അധ്യക്ഷനായി.
കല്‍പ്പറ്റ സി.ഐ പി.ടി ജേക്കബ് സ്വാഗതം പറഞ്ഞു. ബോധവല്‍ക്കരണ പ്രദര്‍ശനവും ലഘുലേഖ വിതരണവും നടത്തി.