പാപ്പിനിശ്ശേരി: ഇരിണാവ് പയ്യട്ടം കുളത്തില്‍ നല്‍കി വരുന്ന സൗജന്യ നീന്തല്‍ പരിശീലനം ശ്രദ്ധേയമാകുന്നു. കണ്ണപുരം ജനമൈത്രി പൊലിസ്, പയ്യട്ടം കെ.വി സ്മാരക വായനശാല, പയ്യട്ടം കുളത്തിന്‍കര ബ്രദേഴ്‌സ്, പയ്യട്ടം റെഡ് ആര്‍മി തുടങ്ങിയവരുടെ നേതൃത്വത്തിലാണ് പരിശീലനം. നാലു വയസ് മുതല്‍ 20 വയസ് വരെയുള്ളവര്‍ നീന്തല്‍ പഠനത്തിനായി ഇവിടെയെത്തുന്നുണ്ട്. പരിശീലനം പൂര്‍ത്തിയാക്കുന്നവര്‍ക്ക് സര്‍ട്ടിഫിക്കറ്റും വിതരണം ചെയ്യും.
പരിശീലനത്തിന് പി.പി ഭാസ്‌കരന്‍, സി.പി പ്രകാശന്‍, പി.കെ സുമിത്രന്‍, ജമൈത്രി പൊലിസ് സിവില്‍ ഓഫിസര്‍ എ രാജേഷ് തുടങ്ങിയവരാണ് നേതൃത്വം നല്‍കുന്നത്.