കൊല്‍ക്കത്ത: സി.പി.എമ്മിന്റെ മുതിര്‍ന്ന നേതാവായ ശ്യാംലാല്‍ ചക്രബര്‍ത്തിയെ കൊവിഡ് സ്ഥിരീകരിച്ച് ആശുപത്രിയില്‍ പ്രവേശിച്ചതിനു പിന്നാലെ കൊല്‍ക്കത്തയില്‍ നിന്നുള്ള മുതിര്‍ന്ന നേതാവ് മുഹമ്മദ് സലീമിന് കൊവിഡ് രോഗം സ്ഥിരീകരിച്ചു.

പശ്ചിമ ബംഗാളില്‍ നിന്നുള്ള നേതാവും പൊളിറ്റ് ബ്യുറോ അംഗവുമായ ഇദ്ദേഹത്തെ കൊവിഡ് സ്ഥിരീകരിച്ചതോടെ ആശുപത്രിയില്‍ പ്രവേശിപ്പിച്ചു. ബംഗാളില്‍ നിന്നുള്ള മുന്‍ ലോക്‌സഭാംഗമാണ്.
ശ്യാംലാല്‍ ചക്രബര്‍ത്തിയെ ശനിയാഴ്ചയാണ് ആശുപത്രിയില്‍ പ്രവേശിപ്പിച്ചത്.. ഇദ്ദേഹത്തിന്റെ നില വഷളായതോടെ വെന്റിലേറ്ററിലേക്ക് മാറ്റിയിരിക്കുകയാണ്.
സിപിഎമ്മിന്റെ കൊല്‍ക്കത്ത ഈസ്റ്റേണ്‍ ബൈപ്പാസിലെ സ്വകാര്യ ആശുപത്രിയിലാണ് സലീമിനെ പ്രവേശിപ്പിച്ചിരിക്കുന്നത്. ഇദ്ദേഹത്തിന് പനിയും ശ്വാസതടസവും ഉള്ളതായാണ് റിപ്പോര്‍ട്ട്.