കൊയിലാണ്ടി: കൊല്ലം പാറപ്പള്ളി മഖാം ഉറൂസ് മെയ് 12,13,14 തിയതികളില്‍ നടത്താന്‍ കൊല്ലം ജുമുഅത്ത് പള്ളി കമ്മിറ്റി തീരുമാനിച്ചു. സിദ്ധീഖ് കൂട്ടുംമ്മുഖം അധ്യക്ഷനായി. 12 ന് നടക്കുന്ന മജ്‌ലിസ്സു നൂറില്‍ റാഷിദ് ഗസ്സാലി പ്രഭാഷണം നടത്തും.
13 ന് കാലത്ത് ഹജ്ജ് ക്യാംപ് നടക്കും. റഫീഖ് സക്കരിയ്യ ഫൈസി ക്ലാസെടുക്കും.വൈകിട്ട് 7ന് സ്വാലിഹ് ഫൈസി കിഴിശ്ശേരി പ്രഭാഷണം നടത്തും. 14 ന് ഉറൂസ് സമാപിക്കും.
സമസ്ത കേരള ജംഇയ്യത്തുല്‍ ഉലമ പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ദിക്ര്‍ ദുആ മജ്‌ലിസിന് നേതൃത്വം നല്‍കും. സമസ്ത മുശാവറ അംഗം എ.വി.അബ്ദു റഹ്മാന്‍ മുസ്‌ലിയാര്‍, കൊയിലാണ്ടി ഖാസി മുഹമ്മദ് മുസ്‌ലിയാര്‍ , കാപ്പാട് ഖാസി ശിഹാബുദ്ധീന്‍ ഫൈസി, പുറക്കാട് ഖാസി ഇ.കെ.അബൂബക്കര്‍ മുസ്‌ലിയാര്‍ സംബന്ധിക്കും.  സ്വാഗതസംഘം ഭാരവാഹികളായി കൊല്ലം ഖാസി അബ്ദുല്‍ കരിം ദാരിമി ( ചെയര്‍മാന്‍), അന്‍സാര്‍ കൊല്ലം (ജനറല്‍ കണ്‍വീനര്‍) എന്നിവരെ തെരഞ്ഞെടുത്തു.
യോഗത്തില്‍ ഹുസയിന്‍ ഫൈസി, .ഗഫൂര്‍ മരുതംങ്കണ്ടി , മൊയ്തുഹാജി, ബഷീര്‍ പാലക്കുളം, എ.കെ.സി.മുഹമ്മദ്, തറമല കത്ത് അബ്ദുറഹ്മാന്‍ കുട്ടി, തൈവളപ്പില്‍ ഇസ്മായില്‍, കെ.എം. ഇബിച്ചി അഹമ്മദ് സംബന്ധിച്ചു.