കുറ്റ്യാടി: കേരളത്തിലെ മുഴുവന്‍ നെല്‍പാടങ്ങളും കൃഷിയോഗ്യമാക്കാനുള്ള കര്‍മ പദ്ധതികളുമായി കേരള സര്‍ക്കാര്‍ മുന്നോട്ട് പോവുകയാണെന്ന് ഭക്ഷ്യ സിവില്‍ സപ്ലൈസ് വകുപ്പ് മന്ത്രി പി. തിലോത്തമന്‍. കൃഷിഭവന്റെ സാമ്പത്തിക സഹായത്തോടെ വേളം പെരുവയലില്‍ കീര്‍ത്തി കര്‍ഷക ഗ്രൂപ്പിന് അനുവദിച്ച തവിടുകളയാത്ത അരി ഉല്‍പാദക യൂനിറ്റിന്റെ ഉദ്ഘാടനം നിര്‍വഹിച്ച് സംസാരിക്കുകയായിരുന്നു അദ്ദേഹം.
പാറക്കല്‍ അബ്ദുല്ല എം.എല്‍.എ അധ്യക്ഷനായി. കുന്നുമ്മല്‍ ബ്ലോക്ക് പഞ്ചായത്ത് പ്രസിഡന്റ് കെ. സജിത്ത് അരിയുടെ ആദ്യവില്‍പന നടത്തി. പഞ്ചായത്ത് പ്രസിഡന്റ് വി.കെ അബ്ദുല്ല, മാണിക്കോത്ത് ബഷീര്‍, എം. ഷിജിന, കെ.കെ അന്ത്രു, പി.കെ സജീവന്‍, ഇ.കെ നാണു, ജമാല്‍ നെല്ലിപ്പള്ളി, സി.കെ ബാബു, കെ.സി സുധീര്‍രാജ്, സി.എം ശ്രീധരന്‍, ടി.വി ഗംഗാധരന്‍, ടി. സുരേഷ്, സജീറ മുഹമ്മദ്, പി.കെ ദാമോദരന്‍, കെ. ഷഫീഖ്, ടി. ബാലകൃഷ്ണന്‍ സംസാരിച്ചു.