.

മുക്കം: ചേന്ദമംഗല്ലൂര്‍ ഹയര്‍ സെക്കന്‍ഡറി സ്‌കൂളിനായി പുതുതായി നിര്‍മിച്ച ബഹുനില കെട്ടിടം പത്മശ്രീ ഡോ. ആസാദ് മൂപ്പന്‍ ഉദ്ഘാടനം ചെയ്തു. സ്‌കൂള്‍ മാനേജര്‍ ഒ. അബ്ദുറഹ്മാന്‍ അധ്യക്ഷനായി. പ്രിന്‍സിപ്പല്‍ ഡോ. കൂട്ടില്‍ മുഹമ്മദലി റിപ്പോര്‍ട് അവതരിപ്പിച്ചു. എം.പി മാരായ എം.ഐ ഷാനവാസ്, പി.വി അബ്ദുല്‍ വഹാബ് എന്നിവരുടെ സന്ദേശം യോഗത്തില്‍ വായിച്ചു.
കാരാട്ട് റസാഖ് എം.എല്‍.എ, മുക്കം നഗരസഭാ അധ്യക്ഷന്‍ വി. കുഞ്ഞന്‍ മാസ്റ്റര്‍ സംസാരിച്ചു.
സ്‌കൂള്‍ മുഖപത്രമായ ദിശയുടെ സ്‌പെഷല്‍ സപ്ലിമെന്റ് എം.കെ മുഹമ്മദലി എം.എ മുഹമ്മദിന് നല്‍കി പ്രകാശനം ചെയ്തു. സി.പി കുഞ്ഞുമുഹമ്മദ്, ഡോ. കെ.എ സലീം, ഇ.പി മുഹമ്മദ് അബ്ദുറഹ്മാന്‍, പി.ടി സൈഫുദ്ദീന്‍, ജനറല്‍ കണ്‍വീനര്‍ പി.കെ അബ്ദുറസാഖ്, ഹെഡ്മാസ്റ്റര്‍ യു.പി മുഹമ്മദലി സംബന്ധിച്ചു.
പുതിയ കെട്ടിടത്തിന്റെയും ചുറ്റുമതിലിന്റെയും ആര്‍ക്കിടെക്റ്റുമാരായ ജാഫറലി കക്കാട്, ജി. വരുണ്‍, കോണ്‍ട്രാക്ടര്‍ ടി.കെ അബൂലൈസ്, പ്ലസ് ടു പരീക്ഷയില്‍ മുഴുവന്‍ മാര്‍ക്കും നേടിയ ടി.കെ നൗഫ, രണ്ടാം സ്ഥാനം നേടിയ കെ. നാദിയ, നാഷനല്‍ മെറിറ്റ് കം മീന്‍സ് അവാര്‍ഡ് നേടിയ ഒ. അനന്തു, നവീജാസ്, ഗാന്ധി പീസ് ഫൗണ്ടേഷന്‍ ദക്ഷിണാഫ്രിക്കന്‍ പര്യടനത്തിന് തിരഞ്ഞെടുത്ത അബ്ദുല്‍ നജാഹ് എന്നിവര്‍ക്ക് ഉപഹാരം നല്‍കി.
നഗരസഭാ ഉപാധ്യക്ഷ ഹരീദാ മോയിന്‍കുട്ടി, വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍മാന്‍ ചന്ദ്രന്‍ മാസ്റ്റര്‍, ഡിവിഷന്‍ കൗണ്‍സിലര്‍ പി.പി അനില്‍, പി.ടി.എ പ്രസിഡന്റ് ഉമര്‍ പുതിയോട്ടില്‍, ഇ.എന്‍ അബ്ദുല്ല മൗലവി, കെ.ടി.സി. ബീരാന്‍ എന്നിവരാണ് ഉപഹാരം നല്‍കിയത്.