മലപ്പുറം: ലോയേഴ്‌സ് ഫോറം സംസ്ഥാന ജനറല്‍ സെക്രട്ടറി അഡ്വ. അബു സിദ്ദീഖ് ആമക്കാട് രചിച്ച മുസ്‌ലിം ലീഗിന്റെ ചരിത്രവും സവിശേഷതകളും വിവരിക്കുന്ന 'ഇന്ത്യന്‍ യൂനിയന്‍ മുസ്‌ലിം ലീഗ് സവിശേഷ രാഷ്ട്രീയ സമസ്യ' എന്ന പുസ്തകം പാണക്കാട് സയ്യിദ് ഹൈദരലി ശിഹാബ് തങ്ങള്‍ പി.കെ കുഞ്ഞാലികുട്ടി എം.പിക്ക് നല്‍കി പ്രകാശനം ചെയ്തു.
സ്വതന്ത്ര ഇന്ത്യയിലെ ലീഗിന്റെ വരവും വളര്‍ച്ചയും ഭരണ പങ്കാളിത്തവും ഒരു രാഷ്ട്രീയ പാര്‍ട്ടി എന്ന നിലയില്‍ ലീഗിനു മാത്രം അവകാശപ്പെടാന്‍ കഴിയുന്ന സവിശേഷതകളും ചേര്‍ത്താണ് പുസ്തകം എഴുതിയിരിക്കുന്നത്. ഒലീവ് പബ്ലിക്കേഷനാണ് പ്രസാധകര്‍.
ചടങ്ങില്‍ മുസ്‌ലിം ലീഗ് അഖിലേന്ത്യാ ഓര്‍ഗനൈസിങ് സെക്രട്ടറി ഇ.ടി മുഹമ്മദ് ബഷീര്‍ എം.പി, മുസ്‌ലിം ലീഗ് സംസ്ഥാന ജനറല്‍ സെക്രട്ടറി കെ.പി.എ മജീദ്, അഡ്വ.അബു സിദ്ദീഖ്, പി.ഹനീഫ സംബന്ധിച്ചു.