താമരശേരി: കളഞ്ഞുകിട്ടിയ ഒരു ലക്ഷം രൂപയും പേഴ്‌സും ഉടമയെ തേടിപ്പിടിച്ച് തിരിച്ചു നല്‍കി യുവാവ് മാതൃകയായി.
 കയ്യേലിക്കുന്ന് ഹൈദരലിയാണ് ചുങ്കത്ത് ചെക്ക് പോസ്റ്റിനുസമീപം റോഡരികില്‍ നിന്നു ലഭിച്ച ഒരു ലക്ഷം രൂപയടങ്ങിയ പേഴ്‌സ് തിരിച്ചു നല്‍കി മാതൃകയായത്.
 ചുങ്കം ഇരിമ്പിന്‍ ചീടന്‍കുന്ന് സി.കെ ദിനേഷിന്റെ പോക്കറ്റില്‍ നിന്നു വീട്ടിലേക്ക് പോകും വഴിയാണ് പേഴ്‌സ് നഷ്ടപ്പെട്ടത്.
പേഴ്‌സിലുണ്ടായിരുന്ന ഡ്രൈവിങ് ലൈസന്‍സില്‍ നിന്നും അഡ്രസ് മനസിലാക്കിയാണ് ഹൈദരലി പേഴ്‌സ് ഉടമയുടെ വീട്ടിലെത്തിച്ചു നല്‍കിയത്. പ്രവാസിയായ ഹൈദരലി അവധിക്ക് നാട്ടിലെത്തിയതാണ്.