കോഴിക്കോട്: ബാങ്ക് മെന്‍സ് ക്ലബിന്റെ ആഭിമുഖ്യത്തില്‍ ടൗണ്‍ഹാളില്‍ നടന്ന ബഷീര്‍ അനുസ്മരണവും കോളജ് മാഗസിനുകള്‍ക്കുള്ള പുരസ്‌കാര സമര്‍പ്പണവും എഴുത്തുകാരന്‍ ഡോ. എം.എം ബഷീര്‍ ഉദ്ഘാടനം ചെയ്തു. മികച്ച കോളജ് മാഗസിനുള്ള 21-ാത് ബഷീര്‍ അവാര്‍ഡ് കണ്ണൂര്‍ കൃഷ്ണമേനോന്‍ സ്മാരക ഗവ. വനിതാ കോളജ് മാഗസിന്‍ 'നാക്കില'യുടെ എഡിറ്റര്‍ അനുശ്രീ ഏറ്റുവാങ്ങി.
കോഴിക്കോട് ഗുരുവായൂരപ്പന്‍ കോളജ് മാഗസിന്‍ 'വിശ്വവിഖ്യാത തെറി' എഡിറ്റര്‍ ശ്രീഷമീം, കാസര്‍കോട് ഗവ. കോളജ് മാഗസിന്‍ 'ബെര്‍ത്തം' എഡിറ്റര്‍ പി. രഞ്ജിത്ത് എന്നിവര്‍ രണ്ടാംസ്ഥാനത്തിനുള്ള പുരസ്‌കാരം ഏറ്റുവാങ്ങി. ബാങ്ക് മെന്‍സ് ക്ലബ് പ്രസിഡന്റ് കെ.ജെ തോമസ് അധ്യക്ഷനായി. കെ.ബി രാജാനന്ദ് മാഗസിന്‍ അവാര്‍ഡ് പ്രഖ്യാപനം നടത്തി. ആര്‍. മോഹനന്‍ മാഗസിന്‍ അവലോകനം നിര്‍വഹിച്ചു. കെ. സാജു സ്വാഗതവും വി. ഗിരീഷന്‍ നന്ദിയും പറഞ്ഞു.