കോഴിക്കോട്: കാലിക്കറ്റ് ന്യൂമിസ്റ്റിക്ക് സൊസൈറ്റിയുടെ കോയിന്‍ഫെസ്റ്റ് 2017ന് കണ്ടംകുളം ജൂബിലി ഹാളില്‍ തുടക്കമായി. വിവിധ രാജ വംശങ്ങളുടേതുള്‍പ്പെടെ സ്വര്‍ണത്തിന്റെയും വെള്ളിയുടെയും നാണയങ്ങളും പുരാതന ഇന്ത്യയിലെ കോസല, മഗധ, മൗര്യ, ഗുപ്ത സാമ്രാജ്യങ്ങള്‍ ഉപയോഗിച്ചിരുന്ന നാണയങ്ങള്‍, ഗ്രീക്ക്, റോമന്‍ നാണയങ്ങള്‍, ബൈബിളില്‍ പരാമര്‍ശിക്കപ്പെട്ട  നാണയങ്ങള്‍ എന്നിവയും പ്രദര്‍ശനത്തിനുണ്ട്.
 സമൂതിരി, തിരുവിതാംകൂര്‍, അറക്കല്‍, രാജവംശങ്ങളുടെയും ടിപ്പു സുല്‍ത്താന്റെയും നാണയങ്ങള്‍, ബ്രിട്ടീഷുകാരും പോര്‍ച്ചുഗ്രീസുകാരും, ഡച്ചുകാരും ഇന്ത്യയിലിറക്കിയ നാണയങ്ങളും ഇവിടെ കാണാം. മുപ്പതോളം പേരുടെ ശേഖരത്തിലുള്ള നാണയങ്ങളാണ പ്രദര്‍ശനത്തിലുള്ളത്.
 മേയര്‍ തോട്ടത്തില്‍ രവീന്ദ്രന്‍ ഉദ്ഘാടനം ചെയ്തു. പ്രദര്‍ശനത്തോടനുബന്ധിച്ച് പുറത്തിറക്കിയ സ്മരണിക ചരിത്രകാരന്‍ ഡോ. എം.ജി.എസ്. നാരായണന്‍ ആര്‍ക്കിയോളജിക്കല്‍ സര്‍വെ ഓഫ് ഇന്ത്യ മുന്‍ ഡയറക്ടര്‍ കെ.കെ. മഹുമ്മദിന് നല്‍കി പ്രകാശനം ചെയ്തു. സുരേന്ദ്ര റാവു അധ്യക്ഷത വഹിച്ചു. ബി. ഗിരിരാജന്‍, പ്രഫ. വസിഷ്ഠ്, ഉത്തമന്‍ സംസാരിച്ചു.