കാഞ്ഞങ്ങാട്: സോഷ്യലിസ്റ്റ് നേതാവ് കെ.ചന്ദ്രശേഖരന്റെ സ്മരണയ്ക്കായി ചന്ദ്രശേഖരന്‍ സ്മാരക ട്രസ്റ്റ് ഏര്‍പ്പെടുത്തിയ എട്ടാമത് പുരസ്‌കാരം എം.പി.വീരേന്ദ്രകുമാറിന്.
പാര്‍ലമെന്റേറിയന്‍, സഞ്ചാരസാഹിത്യകാരന്‍, ജനപക്ഷ നേതാവ് തുടങ്ങി വിവിധ നിലകളില്‍ നല്‍കിയ സംഭാവന പരിഗണിച്ചാണ് പുരസ്‌കാരം. മെയ് ആറിന് കോഴിക്കോട്ട് മുന്‍ മുഖ്യമന്ത്രി ഉമ്മന്‍ചാണ്ടി വീരേന്ദ്രകുമാറിന് പുരസ്‌കാരം സമര്‍പ്പിക്കുമെന്ന് ട്രസ്റ്റ് ചെയര്‍മാന്‍ പി.കോരന്‍ മാസ്റ്റര്‍, ട്രഷറര്‍ എ.വി രാമകൃഷ്ണന്‍, ടി മുഹമ്മദ് അസ്‌ലം , എം.ജെ ജോയ് എന്നിവര്‍ വാര്‍ത്താ സമ്മേളനത്തില്‍ അറിയിച്ചു. 11,111 രൂപയും ഫലകവും പ്രശംസാ പത്രവുമടങ്ങുന്നതാണ് പുരസ്‌കാരം.