അഗത്തി: ലക്ഷദ്വീപ് അഗത്തി എസ്.കെ.എസ്.എസ്.എഫും എസ്.എം.എഫും സംയുക്തമായി സംഘടിപ്പിച്ച ത്രിദിന സമസ്ത സമ്മേളനം സമാപിച്ചു. പരിപാടിയില്‍ സമസ്ത നേതാക്കളായ എം.ടി അബ്ദുല്ല മുസ്‌ലിയാര്‍, അഡ്വ. ഓണമ്പിള്ളി മുഹമ്മദ് ഫൈസി, ബഷീര്‍ ദാരിമി തൂത, ഹാഫിള് ആശിഖ് ഇബ്രാഹിം അമ്മിനിക്കാട് എന്നിവര്‍ക്ക് സ്വീകരണം നല്‍കി. അഗത്തി ഖാസി എന്‍. മുഹമ്മദ് ഹനീഫ ദാരിമി പതാക ഉയര്‍ത്തി. അഡ്വ. ഓണമ്പിള്ളി മുഹമ്മദ് ഫൈസി ഉദ്ഘാടനം ചെയ്തു.
തഖ്‌വിയ്യത്തുല്‍ ഇസ്‌ലാം മദ്‌റസ തറക്കല്ലിടല്‍ കര്‍മവും സഹചാരി റിലീഫ് സെന്റര്‍ ഉദ്ഘാടനവും എം.ടി അബ്ദുല്ല മുസ്‌ലിയാര്‍ നിര്‍വഹിച്ചു.
ഹാഫിള് മുഹമ്മദ് ആശിഖ് ഇബ്രാഹിം അമ്മിനിക്കാട് മുഖ്യപ്രഭാഷണം നടത്തി. ബഷീര്‍ ദാരിമി തൂത, അഗത്തി എസ്.കെ.എസ്.എസ്.എഫ് പ്രസിഡന്റ് ഹുസൈന്‍ ഫൈസി, ഖാസി മുഹമ്മദ് ഹനീഫ ദാരിമി, ഗഫൂര്‍ മാസ്റ്റര്‍, അബ്ദുറഊഫ് സംബന്ധിച്ചു. കുടുംബ സംഗമവും മജ്‌ലിസുന്നൂര്‍ വാര്‍ഷികവും മതപ്രഭാഷണവും എം.ടി ഉസ്താദിന്റെ നേതൃത്വത്തില്‍ എല്ലാ മദ്‌റസകളിലും പള്ളികളിലും സന്ദര്‍ശനവും നടന്നു.