പാറക്കടവ്: ശംസുല്‍ ഉലമ ഇസ്‌ലാമിക് സെന്ററിന്റെ കീഴില്‍ സൈനുല്‍ ഉലമാ ഹിഫ്‌ളുല്‍ ഖുര്‍ആന്‍ കോളജിന്റേയും ഉസ്താദ് മുസ്തഫാ ഹുദവി ആക്കോടിന്റെ അഞ്ചാമത് ദ്വിദിന ഹജ്ജ് ക്യാംപിന്റെയും ഉദ്ഘാടനം കേരള വഖഫ് ബോര്‍ഡ് ചെയര്‍മാന്‍ സെയ്യിദ് റഷീദലി ശിഹാബ് തങ്ങള്‍ ഉദ്ഘാടനം ചെയ്തു. ടി.കെ ഹമീദ് ഹാജി അധ്യക്ഷനായി. മുസ്തഫ ഹുദവി ആക്കോട് മുഖ്യ പ്രഭാഷണം നടത്തി. പുന്നക്കല്‍ അഹമ്മദ് , പ്രൊഫ.പി മമ്മു സാഹിബ് , പാലത്തായ് മൊയ്തു ഹാജി , എസ്.പി. എം തങ്ങള്‍ , അബ്ബാസ് ദാരിമി, അബൂബക്കര്‍ യമാനി, സി.പി യൂസുഫ് ഹാജി , വരയില്‍ കുഞ്ഞബ്ദുല്ല മുസ്‌ലിയാര്‍, സി.എച്ച് ഹമീദ് ദാരിമി, പി.പി ഹമീദ് മാസ്റ്റര്‍, കെ.കെ സൂപ്പി ഹാജി, ജുനൈദ് സഅദി സംസാരിച്ചു.
20 വിദ്യാര്‍ഥികള്‍ക്ക് താമസം ഉള്‍പ്പെടെ ഖുര്‍ആന്‍ മനഃപാഠമാക്കുന്നതിനുള്ള പരിശീലനം ഇവിടെ നല്‍കും. ആദ്യമായി ഖുര്‍ആന്‍ മനഃപാഠമാക്കുന്ന മൂന്ന് വിദ്യാര്‍ഥികള്‍ക്ക് സെന്റര്‍ ഓരോ ലക്ഷം രൂപ വീതം നല്‍കും. അത്യാധുനിക സൗകര്യങ്ങള്‍ക്കൊപ്പം സാങ്കേതിക വിദ്യയിലൂടെ ഖുര്‍ആന്‍ പരിശീലനത്തിനുള്ള സൗകര്യവും ഇവിടെ ഒരുക്കിയിട്ടുണ്ട്.