തൊട്ടില്‍പ്പാലം: വേളം പുത്തലത്ത് കൊല്ലപ്പെട്ട എസ്.കെ.എസ്.എസ്.എഫ്, യൂത്ത് ലീഗ് പ്രവര്‍ത്തകന്‍ പുളിഞ്ഞോളി നസീറുദ്ദീന്റെ വീട്ടിലേക്ക് ഇന്നലെ നിലയ്ക്കാത്ത ജനപ്രവാഹമായിരുന്നു. പിതാവിനെയും കുടുംബത്തെയും ആശ്വസിപ്പിക്കാന്‍ സമസ്ത, ലീഗ് നേതാക്കളായ പാണക്കാട് സയ്യിദ് മുനവ്വറലി ശിഹാബ് തങ്ങള്‍, മുസ്‌ലിം ലീഗ് സംസ്ഥാന സെക്രട്ടറി എം.സി മായിന്‍ ഹാജി, കോഴിക്കോട് വലിയ ഖാസി നാസര്‍ സയ്യ് തങ്ങള്‍, സംസ്ഥാന എം.എസ്.എഫ് പ്രസിഡന്റ് ടി.പി അശ്‌റഫലി, സെക്രട്ടറി പി.ജി മുഹമ്മദ്, ജില്ലാ ലീഗ് സെക്രട്ടറി എസ്.പി കുഞ്ഞമ്മദ്, സയ്യിദ് ഷറഫുദ്ദീന്‍ ജിഫ്രി, ഏരത്ത് അബൂബക്കര്‍ ഹാജി, സി.സി ജാതിയേരി, ഹസന്‍ ചാലില്‍, വി.പി അബ്ദുസ്സലാം, സി.കെ പോക്കര്‍ മാസ്റ്റര്‍, ഇ.വി പോക്കര്‍ സന്ദര്‍ശനം നടത്തി.