പയ്യോളി: തിക്കോടി പഞ്ചായത്ത് ഒന്നാം വാര്‍ഡില്‍ അഞ്ച് വികസന പദ്ധതികളുടെ ഉദ്ഘാടനം കെ ദാസന്‍ എം.എല്‍.എ നിര്‍വഹിച്ചു. എം.എല്‍.എ.യുടെ ആസ്തിവികസന ഫണ്ടില്‍നിന്നും അനുവദിച്ച പത്ത് ലക്ഷം രൂപ ചെലവില്‍ നിര്‍മിച്ച പെരുമാള്‍പുരം നടപ്പാത, പെരുമാള്‍പുരം ലിങ്ക്‌റോഡ്, 86ാം നമ്പര്‍ അങ്കണവാടിയുടെ ഫണ്ട് സമാഹരണം, സേവാകേന്ദ്രം എന്നിവയാണ് ഉദ്ഘാടനം ചെയ്യപ്പെട്ട പ്രവൃത്തികള്‍.
തിക്കോടി പഞ്ചായത്ത് പ്രസിഡന്റ് എം.കെ പ്രേമന്‍ അധ്യക്ഷനായി. അങ്കണവാടി ഫണ്ട് ഖത്തര്‍ കെ.എം.സി.സി സ്റ്റേറ്റ് വൈസ് പ്രസിഡന്റ് കെ ഹംസ എം.എല്‍.എക്ക് കൈമാറി. ഊരാളുങ്കല്‍ ലേബര്‍ സൊസൈറ്റി ഡയരക്ടര്‍ എം.കെ ദാമുവിനെ പൊന്നാട അണിയിച്ചു. എ.കെ ത്വല്‍ഹത്ത്, ടി.കെ ഹാഷിം ഇശാല്‍ എന്നിവര്‍ എല്‍.ഇ.ഡി ബള്‍ബുകള്‍ ഏല്‍പിച്ചു. പഞ്ചായത്ത് അംഗങ്ങളായ ഷീജ കൂടത്തില്‍, എം.കെ ശ്രീനിവാസന്‍, പി.കെ സത്യന്‍, സി ദീപ, കെ.കെ പ്രേമന്‍, എം.കെ സിദ്ദന്‍, എം.കെ സജീവന്‍, പി.ടി ബിജു, അഷ്‌റഫ് കമ്മന സംസാരിച്ചു. വാര്‍ഡ് അംഗം ടി ഖാലിദ് സ്വാഗതവും ടി.പി സുബൈര്‍ നന്ദിയും പറഞ്ഞു.