മണ്ണാര്‍ക്കാട്: അട്ടപ്പാടിയില്‍ ഷോളയൂരില്‍ അനധികൃതമായി വാറ്റി ഉണ്ടാക്കിയ ചാരായവുമായി രണ്ടുപേര്‍ പിടിയില്‍. സംഭവുമായി ബന്ധപ്പെട്ട് ഷോളയൂര്‍ സ്വദേശികളായ ചക്രപാണി (53), മകന്‍ സതീഷന്‍ (28) എന്നിവരെ പൊലിസ് പിടികൂടി. അഗളി എ.എസ്.പി സുജിത്ദാസ് ഐ.എ.എസിന് ലഭിച്ച രഹസ്യവിവരത്തെ തുടര്‍ന്ന് എ.എസ്.പി സ്‌ക്വാഡും ഷോളയൂര്‍ അഡീഷണല്‍ എസ്.ഐ വേലായുധനും ചേര്‍ന്നാണ് വാഷും പ്രതികളെയും പാലവളവില്‍ വെച്ച് പിടികൂടിയത്.
ചിറ്റൂര്‍, ഷോളയൂര്‍, വരഗംപാടി ഭാഗങ്ങളിലെ ഊരുകളില്‍ സ്ഥിരമായി മദ്യ വില്‍പ്പന നടത്തുന്നതിന്റെ രഹസ്യ വിവരം ലഭിച്ചതിന്റെ അടിസ്ഥാനത്തില്‍ കഴിഞ്ഞ കുറച്ച് ദിവസങ്ങളായി ഇവര്‍ ഷാഡോ പൊലിസിന്റ നിരീക്ഷണത്തിലായിരിന്നു.
രാത്രി കാലങ്ങളില്‍ ഊരുകളില്‍ നിന്ന് മദ്യപാന്‍മാരുടെ അസഹ്യമായ ശല്യം കാരണം സ്ത്രീകളുടെയും കുട്ടികളുടെയും നിരന്തര പരാതികളുടെ അടിസ്ഥാനത്തിലാണ് ഇവര്‍ക്കെതിരെ പൊലിീസ് നിരീക്ഷണം ശക്തമാക്കിയത്. ലിറ്ററിന് 750 രൂപയില്‍ അധികം വില നല്‍കിയാണ് ഇയാള്‍ വ്യാജമദ്യം വില്‍പന നടത്തി വരുന്നത്.