തളിപ്പറമ്പ്: നടുവിലില്‍ കടം കൊടുത്ത പണം തിരികെ ചോദിച്ച യുവാവിനെ അയല്‍വാസി കുത്തി പരുക്കേല്‍പ്പിച്ചു. പോത്തുകുണ്ട് സ്വദേശി വലിയവളപ്പില്‍ സതീഷി(34)നെയാണ് അയല്‍വാസിയും സുഹൃത്തുമായ തലക്കുളം വീട്ടില്‍ മനോഹരന്‍(37) കുത്തി പരുക്കേല്‍പ്പിച്ചത്.
സതീഷിനെ പരിയാരം മെഡിക്കല്‍ കോളജിലെ തീവ്രപരിചരണ വിഭാഗത്തില്‍ പ്രവേശിപ്പിച്ചു. കഴിഞ്ഞ ദിവസം രാത്രി പത്തോടെ കടംകൊടുത്ത പണം സതീഷ് മനോഹരനോട് ആവശ്യപ്പെടുകയും ഇതില്‍ പ്രകോപിതനായ മനോഹരന്‍ യുവാവിനെ കുത്തി പരുക്കേല്‍പ്പിക്കുകയുമായിരുന്നു. അപകടനില തരണം ചെയ്ത സതീഷിന്റെ മൊഴി കുടിയാന്‍മല പൊലിസ് ഇന്ന് രേഖപ്പെടുത്തും.