പയ്യന്നൂര്‍: പയ്യന്നൂര്‍ എഫ്.സി.ഐ ഗോഡൗണില്‍നിന്ന് അരിയുമായി ധര്‍മ്മശാലയിലേക്ക് പുറപ്പെട്ട ലോറി വയലിലേക്ക് മറിഞ്ഞു. അരിച്ചാക്കുകളുമായി പുറപ്പെട്ട ലോറിയുടെ കുറുകെ നായ ഓടിയപ്പോള്‍ ഗോഡൗണിനു സമീപം നിയന്ത്രണംവിട്ട് വയലിലേക്ക് മറിയുകയായിരുന്നു. ഉടനെ മറ്റൊരു ലോറിയിലേക്ക് അരി മാറ്റിയെങ്കിലും പകുതിയിലധികം അരിച്ചാക്കുകള്‍ വെള്ളത്തില്‍ കുതിര്‍ന്നു. വൈകിട്ടോടെ ക്രെയിനെത്തിച്ചാണ് ലോറി വയലില്‍നിന്ന് ഉയര്‍ത്തിയത്. ലോറി ഡ്രൈവര്‍ എടാട്ട് സ്വദേശി പി. സത്യന്‍ രക്ഷപ്പെട്ടു.