കണ്ണൂര്‍: വിവിധ ആവശ്യങ്ങള്‍ ഉന്നയിച്ച് ഓള്‍ ഇന്ത്യ മോട്ടോര്‍ ട്രാന്‍സ്‌പോര്‍ട്ട് കോണ്‍ഗ്രസിന്റെ നേതൃത്വത്തില്‍ 20 മുതല്‍ നടത്തുന്ന ചരക്ക് ലോറി പണിമുടക്കിന്റെ ഭാഗമായി ജില്ലയിലും ലോറികള്‍ പണിമുടക്കുമെന്നു ജില്ലാ ലോറി ഓണേഴ്‌സ് അസോസിയേഷന്‍. ഡീസല്‍ വിലവര്‍ധന പിന്‍വലിക്കുക, ഇന്‍ഷൂറന്‍സ് പ്രീമിയം തുക വര്‍ധന പിന്‍വലിക്കുക തുടങ്ങിയ വിവിധ ആവശ്യങ്ങള്‍ ഉന്നയിച്ചാണു സമരം. ലോറികള്‍, മിനിലോറികള്‍, മീഡിയം ലോറികള്‍, ടിപ്പറുകള്‍ എന്നിവ സര്‍വിസ് നിര്‍ത്തിവയ്ക്കുമെന്നും അസോസിയേഷന്‍ ഭാരവാഹികളായ കെ. ബാലചന്ദ്രന്‍, കെ. ഭാസ്‌ക്കരന്‍, എ.ടി ചന്ദ്രന്‍ എന്നിവര്‍ വാര്‍ത്താസമ്മേളനത്തില്‍ അറിയിച്ചു.