പടിഞ്ഞാറത്തറ: കടബാധ്യത മൂലം വയനാട്ടില്‍ വീണ്ടും കര്‍ഷകന്‍ ആത്മഹത്യ ചെയ്തു. പുതുശ്ശേരി ചിറക്കട ശിവാനന്ദര്‍ (68) ആണ് ആത്മഹത്യ ചെയ്തത്.
ഇന്നലെ രാവിലെ ഏഴോടെ വീടിന് സമീപത്തെ മരത്തില്‍ തൂങ്ങിമരിച്ച നിലയില്‍ കണ്ടെത്തുകയായിരുന്നു. ഇയാള്‍ക്ക് വിവിധ ബാങ്കുകളില്‍ 1,25,000 രൂപയോളം കടബാധ്യതയുള്ളതായി ബന്ധുക്കള്‍ പറഞ്ഞു. വെള്ളമുണ്ട പൊലിസ് ഇന്‍ക്വസ്റ്റ് നടപടികള്‍ പൂര്‍ത്തീകരിച്ച് മൃതദേഹം മാനന്തവാടി ജില്ലാ ആശുപത്രിയില്‍ പോസ്റ്റുമോര്‍ട്ടം നടത്തി.
ഭാര്യ: ചന്ദ്രിക. മക്കള്‍: സതീഷ്, ബിന്ദു.